SA BAHAY NI KASAMANG JOEMAR
ni Gregorio V. Bituin Jr.
6 pantig bawat taludtod
payapa ang lugar
ni kasamang Joemar
sa tahanan nila
kami'y namahinga
payak lamang iyon
tatak ng hinahon
at maaliwalas
saya'y mababakas
may espiritu ba?
galang kaluluwa?
kami'y pumanaog
tungong tabing-ilog
paa'y tinampisaw
tubig ay kaylinaw
tinahak ang daan
kahit maputikan
lakad papalayo
tila sumusuyo
ng isang diwata
diwata ng diwa
may unos ang dibdib
wala mang panganib
nilandas ang liblib
kayraming talahib
- sa Hinabangan, Samar, katanghaliang-tapat, Nobyembre 5, 2014
Walang komento:
Mag-post ng isang Komento