KAPITALISMO ANG UGAT
ni Gregorio V. Bituin Jr.
13 pantig bawat taludtod
kapitalismo ang ugat ng pagkasira
ng kalikasan, ng pamayanan, ng bansa
nang dahil sa tubo, minina ang lupa
naging sakim, mabait ay naging kuhila
kapitalistang sistemang dapat mawala
upang daigdig ay di tuluyang masira
halina't kumilos, magkaisang gumawa
lipunan ay baguhin at gawing payapa
- Km200, Brgy. Villapadua, Gumaca, Quezon, Oktubre 11, 2014
Walang komento:
Mag-post ng isang Komento