NAGBAGONG KLIMA
ni Gregorio V. Bituin Jr.
13 pantig bawat taludtod
nagbago na ang klima ng ating daigdig
aba'y kumilos na, tayo'y magkapitbisig
danas na'y sala sa init, sala sa lamig
ang tao'y unti-unti nitong nilulupig
hihintayin pa ba nating kayraming bibig
ang tuluyang magutom, di dapat padaig
halina't pagkaisahin ang ating tinig
nang makasabay sa nagbabagong daigdig
- umaga, sa sandaling pahinga sa basketball gym sa Victoria, northern Samar, pagkalampas ng tulay na animo'y Quiapo Bridge, Oktubre 29, 2014
Walang komento:
Mag-post ng isang Komento