PAGTAHAK SA BITUKANG MANOK
ni Gregorio V. Bituin Jr.
11 pantig bawat taludtod
Tinahak namin ang Bitukang Manok
Na bahagi ng mahabang Climate Walk
Kaysasaya naming mga kalahok
Nag-aawitan, di nakakaantok
Napakahaba man nitong lakaran
Ay makararating din sa Tacloban
Lalo't kaysaya ng pagsasamahan
Ang pagod ay tila 'di namin ramdam
Sariwang hangin, walang mga usok
Dito'y gubat na gubat pa ang bundok
Kay sarap dito sa Bitukang Manok
Kahit 'di namin narating ang tuktok.
- Bitukang Manok, Atimonan, Quezon, Octubre 9, 2014
Walang komento:
Mag-post ng isang Komento